“Toshkent huquq bahori” xalqaro forumida adliya vaziri Akbar Toshqulov jamiyatda fundamental huquqlarni yaxshi tomonga burishga harakat qiluvchilar rolida yuristlar ko‘proq bo‘lishini istashini aytdi. “Chunki biz yuristlar muammoni kundalik ish jarayonida doim ko‘ramiz va ularning yechimini ham bilamiz”, — dedi u.
Xalqaro yuridik forumda Akmal Saidov nutq so‘zlab, yangi O‘zbekistonda yangi huquqiy asoslar yaratila boshlanganini aytdi. Uning fikricha, ilgari nomi aytilmagan tashkilotlarga tegishli qonunlar ham ishlab chiqilgan. U shuningdek, ayni vaqt mamlakatda 18 ta kodeks mavjudligi, yana 12 ta yangi kodeks ishlab chiqish jarayonida ekanligini qo‘shimcha qildi.
Ruslanbek Davletov xalqaro yuridik forum ochilishida eskicha ishlashga o‘rgangan ayrim mansabdorlar va tashkilotlar hanuz raqamlashtirishga qarshi ekanini qayd etdi. Ularga qarshi kurashish uchun esa sohalarda ochiqlikni ta’minlash standartlarini yaratish kerakligi aytildi. «Amaldorlarning ko‘chmas mulklari va mashinalari to‘g‘risidagi ma’lumotlar ochiqlanishi kerak», — deya qo‘shimcha qildi vazir.
2021-yilgi davlat dasturiga muvofiq, “Tashkent Law Spring” ikkinchi xalqaro forumi onlayn tarzda o‘tkaziladi. Uning muddati 1 aprel etib belgilangan, biroq tashkiliy jihatdan forum sanasi o‘zgarishi ham mumkin. O‘tgan yilgi forum pandemiya sabab qoldirilgan edi.
Qo‘shimcha imkoniyatlarga ega bulish uchun saytda ro‘yxatdan o‘ting